°ˆ~*¤®§(*§*)§®¤*~ˆ°ابـتـسـمـ °ˆ~*¤®§(*§*)§®¤*~ˆ° خـاصـهـ

((أعتذر لك))

أبتسم ((كـــذبه)) واداري خـــــوف قلبي تبعدين
واطعن احــــزاني بضـحـكـه تذبح العاشق هواه

تحترق دمــعـــات عيني من تراهــيــب الحـنـيــن
وانحــنــي للحــــزن دايم..مالي من غيرك سواه

من زعلتي!! قيّـدتني ((دمـعـه..ونهـده..وأنـيـن))
وارتسم في جــوف جوفي نار تحرق لي حشاه

من زعلتي!! اختصـــرتي عـمـري اللي من سنين
سقتي روحي لي كفنها والجـســد حزني طواه

من زعلتي!! صــار ليلي مع نهـــاري مستـــوين
مابتســـم لي نجـــم ليلي ولا الصباح ارسل نداه

من زعلتي!! صرت طفل ٍ في عنا الضيقه سجين
ماضــحــك له جــور حــظـه ولا السعد دربه لقاه

من زعلتي!! ياللي انتي في الحــنــايا تسكنين
ثارت الزفــرات منـّـي واندفـــن قـلــبــي بثراه

من زعلتي!! حـــار دمعي بين عـيـن وبيـن عين
كم جــرى سيلي بخدي وبلــّـل السيل الشـفـاه

من زعلتي!! من زعلتي!! وكيف منــي تزعــلين
وانتي مثلك لو تمــنى (حق) يتـحـقــق مــنــــاه

حق ٍ انك تامـــريـنـــي كــان ودك تــامـــريـــن
وحق البـّـي لك ((غــناتي)) ياشفا قلـبي ودواه

كم أنا عندي ياقــلبـــي مثلك انتـــي لو تجيـن
وانا قد العيش دونك؟! لا ((وربــــي في سماه))

انتي روحي وانتي نبضي وانتي النور المبيــن
انتي انفاسي وعطري وانتي الجوري وشــذاه

انتي اغـــلا من حيـــاتي ياطـــرف من كل زيـن
والله مالي دون عينك أي شـــي بهـالحــيـــاه

أعترف لك .. واعتذر لك .. والأمل بتســـامحيـن
يالله قوليها ((بســـامــح)) يافرح يومي وهناه

صــدقينــي من زعلتي اني خــــايف تبعــــدين
أبتسم ((كذبه)) وانا ادري بسمة الكـــاذب عناه

أبتسم واطعن خفوقــــي عقب ماذقت الحــنيـن
وانحني للحـــزن دايــم .. مالي من غيرك سواه

وسلامتكم :

بنوتة المنتدى